Disa orë pas ngjarjes që tronditi ditën e sotme qytetin verior të Dukagjinit në Shkodër ku vëllai ka qëlluar me armë zjarri në drejtim të vëllait dhe kunatës, është dorëzuar në policia autori.
Lekë Ballza në momentin që është paraqitur në polici nuk ka qenë i armatosur, ndërsa gjatë kësaj kohe ka qenë i fshehur në një banesë të braktisur 2 km larg vendit të ngjarjes.
Ngjarja ka ndodhur rreth orës 11:40 në fshatin Ndërlysë, lagjia “Mushaj” në Njësinë Administrative Shalë ku të plagosur kanë mbetur Drande Ballza. 41-vjeçe dhe Kond Ballza 48-vjeç, të cilët u transportuan për në Spitalin Rajonal Shkodër për të marrë ndihmën e nevojshme mjekësore me helikopter për shkak të terrenit të thyer malor.
Sipas informacioneve nga banorë të fshatit të cilët e njohin autorin, Lekë Ballza njihet si person me probleme mendore por të dhëna akoma të pa konfirmuara zyrtarisht. Nga të dhënat paraprake nga vendngjarja bëhet e ditur se shkak për ngjarjen është bërë një konflikt për motive të dobëta brenda familjes.
