Virusi i shfaqur së fundmi Zika, është duke u përhapur me shpejtësi të madhe. Ky është shqetësimi që ka alarmuar së fundmi Organizatën Botërore të Shëndetësisë.
Nga një takim i fundit i Komitetit emergjent të kësaj agjencie ndërkombëtare thuhet se Zika po përhapet përmes mushkonjave, por, pa përjashtuar edhe rastet përmes transmetimit seksual.
Siç raporton BBC, nga kjo mbledhje thuhet se së fundmi janë evidentuar disa lindje me defekte.
Ky virusi cili në vendet e Amerikës Latine po kthehet në epidemi, rrezikon edhe Shqipërinë. Mushkonja tigër, një nga vektorët që e transmeton këtë virus, ndodhet në vendin tonë, madje sipas specialistëve, ajo gjendet edhe në ambientet e shtëpive.
Por që virusi të transmetohet tek njeriu, mushkonja duhet të ketë pasur kontakt më parë me një person të infektuar.
Ekspertë të sëmundjeve infektive në Institutin e Shëndetit Publik sqarojnë se, personat e prekur nga ky virus nuk kanë rrezik për jetën.
Sëmundja kurohet për shtatë ditë dhe nuk lë pasoja në shëndet. Ndërsa për nënat shtatzënë virusi “Zika” shkarton dëme të parikuperueshme për foshnjën.
