28-vjeçari, Jetnis Dollapi, i njohur edhe si një ndër miqtë e Emiljano Shullazit ka ndërruar jetë pasditen e sotme pas një aksidenti me motor.
Mësohet se ngjarja ka ndodhur rreth orës 18:00 tek ish-klubi “Partizani”. Burime nga policia bëjnë të ditur se Dollapi ka humbur kontrollin e motorrit, me targë TR 430 E, dhe është përplasur me muret anësore të rrugës.
Menjëherë pas aksidentit 28-vjeçari është dërguar tek Spitali i Traumës, por ai nuk i ka mbijetuar plagëve të marra.
Gjithashtu burime brenda policisë bëjnë me dije për BoldNews.al se po hetohet edhe për vrasje të mundshme përmes aksidentit.
Mësohet se grupi hetimor po kryen veprimet për të përcaktuar shkakun e humbjes së kontrollit. Bëhet e ditur se forca të shumta policie kanë qenë në vendngjarje për të hetuar ngjarjen.
