U luajtën mbrëmjen e djeshme gjashtë ndeshje, të vlefshme për kualifikimin në çerekfinale të Kupës së Ligës në Francë.
Paris Saint-Germain ka siguruar kualifikimin në çerekfinale pasi ka mundur me rezultatin 4-1 Le Mans-in në transfertë.
Skuadra e Tuchel ka prerë biletën mes tetë më të mirave në harkun e 21 minutave në pjesën e parë. Sarabia ka zhbllokuar ndeshjen në minutën e 21-të, më pas ka filluar spektakli i Mbappe-së. Ylli i PSG-së ka dhënë asistin për golin e dytë të Choupo-Moting në të 41-ën dhe ka realizuar golin e tretë një minutë më vonë pas një kontrolli fantastik të topit.
Di Maria ka realizuar golin e katërt tri minuta pas fillimit të pjesës së dytë, ndërsa Manzala ka realizuar golin e ngushëllimit për vendasit.
Është kualifikuar edhe skuadra e Lyonit, po me rezultatin 4-1 ndaj Touluse-s në shtëpi. Dy gola të Traure dhe rrjetat e Jean Lucas dhe Terrier anuluan golin e vetëm të miqve të shënuar nga Kone.
