Arben Malaj tha se nuk e kanë pranuar të bëhet anëtar i Partisë Socialiste. Mbrëmjen e sotme në Opinion, Malaj tha se kishte aplikuar për t’u bërë anëtar i PS-së, por s’më kanë pranuar.
“Kjo është e turpshme, kam dhënë kontribute në PS, por megjithëse kam aplikuar, s’më kanë kthyer përgjigje”, tha Malaj.
I pyetur për gjendjen financiare në vend, Malaj tha se ka shqetësime serioze dhe dëme më i madh në ekonominë shqiptare vjen nga nervozizmi dhe ambienti politik.
“Nëse Rama nuk bën një dalje nga kjo krizë, që do e marrë edhe atë me vete, mund të them se nuk mund të qeveriset vendi pa opozitë dhe nuk mund të drejtohen bashkitë me përfaqësuesit e një partie.
Ka gjë më të turpshme që të qeverisësh një qytet si Shkodra, pavarësisht problemeve që dolën me kandidatin, kur atë e votuan 5 %?
Gjithmonë ka zgjidhje që vijnë nga liderat që kanë marrë përsipër të qeverisin këtë vend”, tha Malaj.
