Në shortin e hedhur ditën e hënë për fazën me eliminim direkt në Ligën e Kampioneve, Manchester City i Guardiolës do të përballet me Realin e Madridit.
Duke folur për këtë ndeshje, për gazetën spanjolle “AS”, Guardiola zbulon se e admiron trajnerin e Realit, Zinedine Zidane dhe se ai është një person i mrekullueshëm. Ndërsa kishte lëvdata dhe për ekipin e Real Madrid duke i quajtur “mbretër” të Ligës së kampioneve.
“Reali i Madridit është mbreti i këtij kompeticioni, natyrisht ka më shumë përvojë se ne në skenën e Championsit. Është një sfidë e pabesueshme për ne dhe do të përpiqemi të bëjmë më të mirën”.
“Kur u largova nga Barcelona si lojtar, mendova të shkoja te Juventusi dhe të luaja bashkë me Zidanin, por ishte e pamundur. Kam pasur rastin të flas 3-4 herë, është një person i jashtëzakonshëm, e admiroj dhe është vërtet bukur që në futboll ka njerëz si ai. Është kënaqësi që do të takohemi sërish”. – tha ndër të tjera tekniku spanjoll.
