Gjithçka është gati, sonte në mbrëmje ora 20:00, do të zhvillohet ndeshja e shumëpritur mes Barcelonës dhe Realit të Madridit në “Camp Nou”.
Një ndeshje që mbledh përpara ekraneve qindra milionë njerëz anembanë botës duke sjellë dhe të ardhura rekord për ty dyja skuadrat.
Një “Klasike” ndryshe kjo, ku tensionet priten të jenë të larta, për shkak dhe të përplasjeve politike, ku Katulunja kërkon pavarësi nga kryeqyteti, Madridi. Pikërisht për këtë arsye do të jenë rreth 3 mijë forca policie në terren për të shmangur çdo lloj tensioni. Ishte ky tension politik arsyeja se pse kjo ndeshje e programuar për tu luajtur më 26 tetor u shty gati 2 muaj më vonë.
Kjo ndeshje vjen edhe si më e ekuilibruara në vitet e fundit, teksa skuadrat duken se janë në të njëjtin nivel. Këtë e vërteton dhe tabela e renditjes ku në 16 javë të luajtura, skuadrat janë me pikë të barabarta me nga 35, ku diferencën e bën vetëm golaverazhi më i mirë i ekipit “blaugranas”.
Për sa i përket mungesave, ekipi mikpritës do të duhet të bëjë pa mesfushorin Arthur dhe sulmuesin Ousmane Dembele, të cilët janë mungesa afatgjata. Shqetësime dëmtimesh apo pezullimesh të tjera nuk ka për trajnerin Valverde.
Ndërsa nga krahu tjetër miqtë e Realit të Madridit, kanë disa mungesa, ku ajo që bie në sy është që Eden Hazard do të humbasë Klasiken e tij të parë. “Los Blancos” gjithashtu nuk kanë në dispozicion James Rodrigues, Marcelo, Lucas Vasquez dhe Marco Asensio i cili vuan nga një dëmtim i rëndë. Lajm i mirë për Zinedine Zidane është rikthimi i mbrojtësit Mendy nga pezullimi.
Gjithsesi spektakli pritet të jetë i garantuar në këtë ndeshje që hap dhe javën e 17-të La
ligas.
