Këshilli Bashkiak i Tiranës ka vendosur heqjen e depozitave të ujit nga tarracat e pallateve, vendim ky i marrë pas tërmetit të 26 nëntorit.
Depozitat kryesisht janë të vendosura në tarracat e pallateve të vjetra dhe ato zëvendësojnë mungesën e ujit në rrjetin e ujësjellësit.
Tirana, edhe pse Erjon Veliaj si Kryebashkiak, aplikoi rritjen e çmimit të ujit, vijon të furnizohet me orare të reduktuara, ndërsa zgjidhja mbeten depozitat.
Por pas vendimit të Këshillit Bashkiak ato do të hiqen nga tarracat dhe do të lejohet ri-vendosja vetëm pasi të japin garanci inxhinierët dhe ekspertët e çertifikuar.
Kryebashkiaku tha se qytetarët nuk do të lihen pa alternativë, por në bashkëpunim me administratorët e pallateve të kenë mundësi që, si pallatet e reja, në hapësirën e përbashkët në katin e parë ose në një nga vendet e parkimit, të instalojnë një depozitë të përbashkët per të gjithë banorët.
