Partizani dhe Tirana janë dënuar me 200 mijë lekë secila lidhur me dëmet që kanë shkaktuar tifozeritë respektive në takimin e luajtur në stadiumin “Air Albania” fundjavën e kaluar.
Është ky vendimi i Komisionit të Disiplinës, i cili u kërkon dy klubeve të paguajnë gjobën në formën e dëmshpërblimit për dëmet që janë evidentuar në stadiumin e ri.
Vendime të komisionit të disiplinës në FSHF:
KF “Partizani” për sjellje të gabuar të spektatorëve në bazë të Nenit 65/1;65/3/a dhe 65/4/a të KDS dënohet me gjobë në masën 200.000 (dyqind mijë) Lekë.
KF “Partizani” detyrohet të dëmshpërblejë dëmtimet e shkaktuara në “AIR ALBANIA STADIUM” nga tifozeria përkatëse sipas akt konstatimit të “Qendrës Sportive Kuq e Zi”.
KF “Tirana” për sjellje të gabuar të spektatorëve në bazë të Nenit 65/2;65/3/a dhe 65/4/a të KDS dënohet me gjobë në masën 200.000 (dyqind mijë) Lekë.
KF “Tirana” detyrohet të dëmshpërbleje dëmtimet e shkaktuara në “AIR ALBANIA STADIUM” nga tifozeria përkatëse sipas akt konstatimit të “Qendrës Sportive Kuq e Zi”.
Zyrtari i KS Luftetari Neritan Novi për sjellje të keqe ndaj zyrtarit të ndeshjes ne baze të Nenit 55/2 te KDS dënohet me 2 (dy) ndeshje pezullim nga aktiviteti futbollistik.
Çeljen e hetimit disiplinor për incidentet në ndeshjen Shkumbini – Dinamo.
