Perditesuar/ Të mërkurën, anëtari i Bordit Mbikëqyrës së Bordit të Shqipërisë Arben Malaj do të jetë në Parlamentin e Shqipërisë. Komisioni i Ekonomisë votoi kundër tij. 12 vota shkuan pro shkarkimit të Malajt nga ky post, siç e kërkojnë socialistët, ndërsa 5 kundër shkarkimit.
Pedagogu dhe specialisti i ekonomisë, Arben Malaj, pas pezullimit nga detyra si anëtar i Bordit të Bankës së Shqipërisë, u paraqit sot në Komisionin e Ekonomisë, ndërsa tha se akuzat e deputetëve të ngritura në adresë të tij nuk qëndrojnë.
Pezullimin nga Banka e Shqipërisë, Arben Malaj e quajti vendim “sulltanor” të aplikuar nga kryeministri Edi Rama. A theksoi se ka shërbyer me dinjitet dhe kjo e bën të ndihet krenar para opinionit publik shqiptar. Ish-ministri i Financave, Arben Malaj, tha se beteja e tij nuk mbaron këtu, por do të kërkojë të drejtën deri në Gjykatën e Strasburgut.
“Neodiktaurat janë një rrezik i madh dhe ato po shfaqen në vendet ish-komunist. Në provojat e mia politike kam besuar dhe kam aplikuar faktin se transparenca është aleati më i madh i demokracisë, ndërsa ndarja e pushtetit është kolona strukturore. Gjatë 28 viteve gjatë ballafaqimit publik, i kam shërbyer publikut me integritet maksimal dhe akuzat tuaja janë të thjeshta për t’u hedhur poshtë. Kontributi im më bën krenar. Na atë copë letër thoni se i gjithë bordi nuk është aktiv sa i takon rritjes së kredibilitetit të Bankës së Shqipërisë. Unë nuk dua që të paralizohet bordi. I injoroj akuzat politike”, tha mes të tjerash Malaj.
Gjatë fjalës së tij, Malaj e cilësoi BSH, si “banka qendrore më e vjedhur në votë”.
Në fund, anëtarët e komisionit votuan me shumicë kundër tij.
Socialistët kërkuan shkarkimin e Malajt nga si anëtar i Këshillit Mbikqyrës të Bankës së Shqipërisë për shkak të “shkeljeve të rënda të etikës”, me anë të daljeve dhe prononcimeve të tij publike. Malaj, ka shprehur publikisht qendrimin e tij kundër disa politikave të qeverisë Rama, apo bashkisë Tiranë.
