Një 35-vjeçar shqiptar është shpallur në kërkim nga autoritetet greke, pasi ka mundur të largohet, edhe pse ishte me një byzylyk elektronik sinjalizues.
Shqiptari dyshohet se ishte i përfshirë në çështje kriminale si vjedhje, trafik narkotikësh dhe vrasje.
Ai ishte lënë i lirë, por mbikqyrej nga byzylykun sinjalizues.
Nuk dihet se si shqiptari ka mundur të heqë sistemin elektronik të mbikqyrjes, një ‘orë dore”, dhe më pas është zhdukur.
Mediat greke raportojnë se e dhëna e fundit për vendndodhjen e shqiptarit ishte stacioni i autobuzëve në Kiffisos, në orën 19:00 të së martës, kur edhe ka arritur të heqë byzylykun. .
Policia greke është vënë në alarm pas rënies së alarmit, ndërsa mediat greke raportojnë se 35-vjeçari mund të jetë larguar drejt Shqipërisë me linjat e autobuzëve.
Në pikat kufitare të Greqisë janë shpërndarë foto të shqiptarit.
