Pavarësisht se jemi në pikun e sezonit veror dhe ku temperaturat janë mbi 30 gradë, Operatori i Shpërndarjes së Energjisë Elektrike dhe Ujësjellës Kanalizime Tiranë mendojnë për qytetarët duke lënë pa ujë rreth 9 zona në kryeqytet.
UKT sh.a njofton se për shkak të punimeve që po kryen OSHEE në linjat e saj, stacioni i pompimit në Qafë Mollë nuk do të furnizohet me energji elektrike.
Për shkak të ndërprerjes së energjisë, do të ketë edhe kufizime të pjesshme të furnizimit me ujë të pijshëm në disa zona të Tiranës në orët e ardhshme.
Zonat që preken nga punimet që po kryen OSHEE janë:
-Sauk
-Shkozë
-Qesarakë
-Tiranë e Re
-Ali Demi
-Komuna e Parisit
-Rruga e Elbasanit
-Blloku Vasil Shanto
-Dajt
Furnizimi normal me ujë të pijshëm do të fillojë menjëherë sapo energjia elektrike të rikthehet në stacionin e pompimit të Qafë Mollës, thotë UKT por nuk përcakton se sa orë mund të zgjasë ky problem.
Madje UKT kërkon edhe mirëkuptimin e qytetarëve, të cilët do të duhet të rrinë pa ujë të pijshëm.
(Boldnews)
