Të shtëna me armë zjarri janë dëgjuar këtë mbrëmje në Kavajë. Sipas informacioneve paraprake, një person ka mbetur i vrarë. Viktima është identifikuar si Marjus Ismailaj 26 vjeç.
Burime nga vendngjarja raportojnë se vrasja ka ndodhur si pasojë e një konflikti çasti mes viktimës dhe një personi tjetër të identifikuar si Xhevdet Lecini 60 vjeç.
Ky i fundit, mësohet se ka kryer krimin nën efektin e pijes alkoolike. Policia ndodhet në vendngjarje për të zbardhur rrethanat dhe shkaqet e vrasjes.
Njoftimi i Policisë
Kavajë/Informacion Paraprak
Rreth orës 18:20 në lagjen nr 2 Kavajë për motive të dobëta, gjatë një konflikti të çastit nën efektin e pijes alkoolike shtetasi XH. L.,60 vjeç ka vrarë me armë gjahu të cilën e posedonte me leje shtetasin M. I.,29 vjeç.
Shtetasi XH. L ndodhet i shoqëruar në Komisariat për veprime të metejshme hetimore.
Grupi hetimor ndodhet në vendngjarje ku vijon punën për sqarimin e mëtejshëm të rrethanave të ngjarjes.
LEXO EDHE:
Detaje të reja nga vrasja në Kavajë/ Shoqërohet në polici autori
