Kryeministri Edi Rama ndodhet në Turqi, ku pritet të zhvillohet konferenca e donatorëve me pjesëmarrjen e vendeve islamike lidhur me ndihmën ndaj Shqipërisë pas tërmetit të 26 nëntorit.
Konferenca është një inisiativë e Presidentit turk, Recep Tayyp Erdogan.
Kryeministri Rama ka publikuar në rrjet një video nga takimi që ka zhvilluar me Presidentin turk, i cili në momentet e para pas tërmetit deklaroi se vendi i tij do të ndërtojë 500 apartamente për familjet e prekura nga tërmeti.
Më herët në rrjet, Rama kishte postuar një shprehje profetike.
“Gjithçka doni që të tjerët të bëjnë për ju, bëjeni vetë për ta: këtu përmblidhet gjithë ligji, bashkë me profetët”.
Kryeministri Rama ka zgjedhur këtë shprehje të shenjtë për të dhënë një mesazh solidariteti për të ndihmuar njerëzit në kapërcimin e situatës së shkaktuar nga tërmeti i 26 nëntorit.
