Dënimi që i ishte dhënë skuadrës së Chelseat ku nuk mund të transferonte lojtarë është reduktuar nga Gjykata e Arbitrazhit Sportiv, CAS.
Dënimi ndaj Chelseat, erdhi në shkurt të këtij viti teksa klubi u gjet fajtor, për thyerjen e rregullave në artikullin e 19-të të FIFA-s.
Sipas “BBC Sport” klubi i Chelseat, bëri rreth 150 shkelje të rregullave që përfshinin gabime produceriale për rreth 69 lojtarë nga akademia përgjatë disa sezoneve.
FIFA e dënoi Chelsean me mospjesëmarrjen në dy afate transferimesh, atë të verës dhe në merkaton e janarit, por me këtë vendim të fundit, skuadra e Chelseat është e lirë të vazhdojë operacionet e saj për sa i përket transferimit të lojtarëve, që në muajin janar.
