Kryeministri Edi Rama paralajmëroi gjatë seancës së sotme ndryshime ligjore për rastet e fatkeqësive natyrore që të mos ketë siç u shpreh ai “sharlatanë që bëjnë sizmolgun e prokurorin”.
“Dëgjova që flitej për Japoni e OECD. Në fakt meqë jemi në një situatë të jashtëzakonshem dua të ndaj me ju nevojën që në kuadrin e adresimit të problemeve të konstatuara, të marrim edhe shembullin e Japonisë, Amerikës, Izraelit që kur ndodhin fatkeqësi të ketyre përmasave ua mbuyllin gojën të gjithë atyre që s’kanë ç’a thonë, ua mbyllin me ligj e nuk u jepet mundësia lloj lloj të çorodisin e dëshpërojnë miletin.
Besoj se kjo do jetë, një nga gjërat që do adresojmë në reformën e përgjithshme ligjore në rastet e fatkeqësive të mëdha natyrore se nuk është e mundur që përvec halleve të mëdha populli të ketë edhe këtë hall të madh që me ditë e me netë bombardohet nga sharlatanë që shfaqen si sizmologë, inxhinierë, konstruktore e prokurorë.
Dëgjova këtu që Ralfi kërkonte matrapik dhe ishte shumë i shqetësuar që në vrapin e tij për ti ardhur në ndihmnë njerëzve s’kishte parë matrapik, nuk përdoret Ralf në rrënojat ku ka ende jetë.
Dëgjova zonjën tjetër që fliste për buxhetin e se kishte lexuar fare e fliste për makina luksi ndërkohë që në këtë buxhet janë hequr të gjitha shpenzimet për makina e vitrina e cdo nevojë tjetër të kësaj natyre, ska as mobilime asgjë, të gjitha fondet i kalojnë fondit të ndërtimit.
E mirëkuptoj që tërmeti ka bërë të vetën edhe mbi ju dhe mbi fjalimet tuaja”, tha Rama.
