Në kuadër të operacionit të koduar “STOP”, uniformat blu të Beratit kanë vënë në pranga tre persona të cilët akuzohen për veprën penale “Shpërdorim i detyrës”.
Tre personat e arrestuar janë shtetasit L.S., 50 vjeç, banues në Dyshnik, Berat; E.V., 29 vjeç, banues në Berat dhe D.H., 45 vjeç, banues në Berat, të tre me detyrë inspektor pranë Inspektoratit të Mbrojtjes së Territorit (IMT) në Bashkinë Berat.
Gjykata e Rrethit Gjyqësor Berat, ditën e djeshme ka dhënë masën e sigurisë “arrest në burg”.
Nga hetimet e kryera ka rezultuar se 3 Inspektorët, në kundërshtim me ligjin, kanë favorizuar dhe lejuar shtetas të ndryshëm për të kryer ndërtime pa leje në territorin e Bashkisë Berat.
