Që kur sheiku Al Khelafi mori kontrollin e PSG-së, klubi parizien ka treguar potencialin e tij të madh ekonomik, duke sjpenzuar miliona për të bindur lojtarët më të mire, që të nënshkruajnë me ekipin e tij. Nuk është e lehtë për të tërhequr yje në një kampionat si “Ligue 1”, i cili nuk ka qasje në nivelin e Bundeligës gjermane, Seria A italiane, Premier Liga angleze, apo La Liga spanjolle.
Për të tërhequr kësi lojtarësh është e nevojshme një nxitje dhe paratë janë çelësi. Ekipet kundërshtare e dinë se PSG-ja ka shumë para për të nënshkruar me lojtarët më të mirë në qarkullim. Aq shumë ka shpenzuar pronari nga Katari për këtë klub, që kur arriti në Paris, në vitin 2011, sa janë rrumbullakosur 576 milionë euro për afrimin e lojtarëve. Një zemërim i vërtetë për ata që janë mësuar të shpenzojnë në Francë. Megjithatë, këtë vit, sheiku nga Katari ka “vënë këmbët në frena”, teksa ka zgjedhur një strategji të rekrutimit të lojtarëve, transferimi i të cilëve është më i volitshëm.
Përforcime të reja nuk përjashtohen, sipas “Le Parisien”, edhe pse trajneri Unai Emery mund ta konsiderojë merkaton të mbyllur. Këtë verë, PSG-ja ka marrë Ben Arfa (falas), Meunier (7 milionë euro), Krychowiak (26 milionë euro), Lo Celso (9 milionë euro) dhe Jesse (25 milionë euro). Në total, ata kushtojnë 67 milionë euro. Nëse e krahasojmë këtë shifër me atë të viteve të mëparshme, ajo është më e “thjeshta”, sa i përket shpenzimeve në merkato të klubit parizien.
Në vitin 2011, PSG-ja shpenzoi rreth 80 milionë për afrime lojtarësh të rinj (Pastore, Matuidi, Llugano, Gameiro, Bishevac, DOUCHEZ, Sissoko, Ménez dhe Sirigu). Në sezonin e ardhshëm arriti shpenzimi maksimal, i bërë ndonjëherë nga ekipi në fjalë, plot 147 milionë euro (Van der Wiel, Thiago Silva, Lucas, Ibrahimovic, Verratti dhe Lavezzi). Një vit më pas u rekrutuan tre lojtarë të tjerë, për 114 milionë euro (Cavani, Digne dhe Marquinhos).
Në vitin 2014, janë lejuar 62 milionë euro transferime, shifra më e ulët në epokën e re të PSG (David Luiz dhe Aurier). Së fundi, vitin e kaluar, disbursimi ka arritur në 106 milionë euro (Di Maria, Trapp, Kurzawa dhe Stambouli). Kjo do të thotë se ekipi francez, supozojmë se fillon të shpenzojë më shumë, nuk ka garanci për arritjen e titujve europianë, pasi PSG-ja ka pasur fat në të gjitha këto vite, pavarësisht ritmit në “Ligue 1”. Kjo është arsyeja pse prurjet më të reja në ekipin e drejtuar nga Emery kanë qenë më të lira se vitet e tjera.
