Ministria e Arsimit, Sportit dhe Rinisë, ka njoftuar fillimin e procesit mësimor në disa rrethe të vendit ditën e enjte (5 dhjetor).
Sipas këtij urdhëri të lëshuar nga MASR njoftohet se mësimi për Zyrat Arsimore Kamëz, Kavajë, Rrogozhinë, Lezhë dhe Mirditë nis me datë 5 Dhjetor.
Në Tiranë, Vorë, Durrës, Shijak, Krujë dhe Kurbin mësimi nis më datë 9 dhjetor.
Ndërkohë institucionet arsimore private nën juridiksionin e ZVAP, duhet të rifillojnë mësimin menjëherë pas marrjes së Akteve të Konstatimit nga DPAPT që konfirmojnë përdorimin e objekteve përkatëse.
