Tërmeti shkatërrimtar i 26 nëntorit la mijëra njerëz të pastrehë, duke përfshirë edhe shumë banorë në Tiranë. Shumë ndërtesa kanë pësuar dëmtime të shumta, ku banorët i kanë denoncuar dhe me pamje.
Përgjithësisht, sipas të dhënave zyrtare, ndërtesat që kanë pësuar më shumë dëmtime, janë ato të vjetra, të parikonstruktuara. Por ajo që bën përshtypje, është dëmtimi i disa pallateve të reja, të ndërtuara nga deputeti i Partisë Socialsite, Sadri Abazi.
Bëhet fjalë për një kompleks banimi në rrugën “Skender Kosturi” në Tiranë, ku ka dëmtime të shumta në apartamentet e banimit. Sipas “Shqip” raportohet se edhe pallate të tjera të deputetit të PS kanë pësuar dëme, por rastet po mbahen të izoluara.
Dëmtimi i këtyre pallateve, nuk vjen si pasojë e lëkundjeve të forta, por për shkak të punimeve të dobëta e jocilësore.
