Lëkundjet e fuqishme të tërmetit të 26 nëntorit, kanë shkaktuar dëme jo vetëm në banesa, por dhe në shkolla.
Kjo është situata në gjimnazin “Sami Frashëri” në kryeqytet, si pasojë e goditjes së tërmetit.
Nga pamjet duket qartë që në këtë godinë nuk mund të zhvillohet procesi mësimor. Por në çfarë përmasash do të ishte fataliteti, nëse lëkundja e fortë e shkallës 6.4 rihter, do të ndodhte në orarin që nxënësit do të ishin në shkollë?! .
Kjo nuk mbaron me kaq. Ky gjimnaz është rinkonstruktuar vetëm para një viti, ndërkohë që Kryebashkiaku Veliaj, deklaroi asokohe, pikërisht në datën 9 korrik të 2018, se nxënësit mund të studiojnë tashmë në mjedise moderne.
“Shumica e shkollave të Tiranës tashmë janë rregulluar, duke filluar nga “Qemal Stafa”, që u ribë nga e para, duke shtuar disa klasa e 4-5 fusha të tilla. Ishte vetëm çështje kohe që edhe te Samiu të vihej dorë”, kështu u Shpreh Veliaj në ambjentet e gjimanzit, duke propaganduar punën e Bashkisë, rezultatet e së cilës do të shiheshin shumë shpejt. Ai nuk nguroi të falenderonte, bashkëpunëtorët në projektin e rikonstruktimit, kompaninë “Philip Morris” dhe organizatën “Milieukontakt Shqipëri”, si dhe stafin pedagogjik për punën e bërë. Nuk kaloi as një vit, kur, jo vetëm u hodh poshtë trumbetimi i kreut të Bashkisë, por mund të sillte tragjedinë për nxënësit që studiojnë në këtë godinë.
Ndërkohë, askush nuk ka folur, nga Bashkia dhe instancat përkatëse mbi gjendjen e shkollave, të cilat janë tashmë jashtë çdo standarti. Dhe sikur mos të mjaftone, Besa Shahini, përballë kësaj situate, deklaroi sot fillimin e procesit mësimor në datën 5 dhjetor. Pyetja është? Sa e sigurtë, dhe sa normale është që nxënësit të qëndrojnë në këtë godinë. Dikush duhet të marrë masa të menjëhershme, raporton ‘Shijak TV’.
Ndërkohë, kjo nuk është shkolla e vetme, mjaft gjimnaze dhe 9-vjecare në Kryeqytet e në rrethina, kanë pësuar dëmtime serioze, duke e bërë tërësisht të pamundur zhvillimin e procesit mësimor.
Në shkollën 9-vjecare, “Pal Engjëlli”, lëkundjet e tërmetit kanë shkaktuar plasaritje të mureve të brendshme të godinës.
