Zhylien Varfaj ka marrë detyrën e Kryebashkiakut të Durrësit, pas dorëheqjes së Valbona Sakos.
Varfaj ishte nënkryetari i Bashkisë dhe ka marrë kompetencat e kryetarit. Vendimi për Varfaj u morr në mbledhjen e Këshillit Bashkiak të Durrësit. Ai ka mbajtur pozicionin e nënkryetarit të Bashkisë prej 12 vitesh, pra ka punuar në pjesën më të madhe të kohës me Vangjush Dakon.
Sako dha dorëheqjen mëngjesin e sotëm, ndërsa një ditë më parë bëri një gafë të fortë kur tha se “duhet të jemi të kënaqur me 50 viktima”, duke iu referuar numrit të personave që humbën jetën si pasojë e tërmetit të 26 nëntorit.
