Maurizio Sarri doli në konferencë për shtyp përpara ndeshjes ndaj Sassuolos, ku foli për zhvillimin e De Ligt dhe për Cristiano Ronaldon.
Duke folur mbi Ronaldon, ai deklaroi se portugezi “nuk është një lojtar si gjithë të tjerët”, dhe se së shpejti do të rikthehet në formën e tij.
“Cristiano është një burim i jashtëzakonshëm cilësie për ne. Ai ka një qëndrueshmëri që nuk është e zakonshme për moshën e tij, i përballon 90 minuta lehtësisht, por ndoshta i mungon pak mprehtësia, gjë që është e pritshme”.
“Për këtë ndeshje ai u stërvit mirë, pjesërisht individualisht dhe pjesërisht me skuadrën. Por do të jetë i gatshëm”.
“Dihet që ai nuk është një lojtar si gjithë të tjerët, dhe nuk e them këtë se duhet ta them por kjo është e vërteta. Jo të gjithë lojtarët janë njësoj. Nëse dikush nuk e pranon atë situatë, do të ishte një problem për ato jo për skuadrën, por nuk shoh probleme të tilla. Të gjithë në klub e dinë vendin e tyre.”
Ndërsa në lidhje me mbrojtësin, De Ligt, ai deklaroi:
“De Ligt është duke u përshtatur me stilin e futbollit italian, dhe rritja e tij ka qenë impresive, asnjë te Juventusi nuk kishte dyshime se ai ishte një investim i madh për të ardhmen, dhe ishte çështje kohe adaptimi i tij në skuadër”.
