Që nga koha kur Neymar iu bashkua PSG-së nga Barcelona në vitin 2017, ai ka marrë vazhdimisht kritika.
I fundit që e kritikon është ish-mesfushori i Francës, Emmanuel Petit, i cili ka luajtur me lojtarë të tillë si Zinedine Zidane apo Youri Djorkaeff. Në një intervistë për “RMC Sport”, ai ka shprehur opinionet e tij për sulmuesin brazilian, Neymar.
“Kur luaja me Zidane apo Djorkaeff, unë dhe shokët e skuadrës pranonim të mbulonim neglizhencën e tyre në punët mbrojtëse pasi e dinim që në një sekondë ata mund të na fitonin ndeshjen. Kjo gjë nuk vlen për Neymar”.
“Ai lojtar luan për veten e tij dhe vetëm për veten e tij”
“Vendoseni veten me lojtarët e tjerë të PSG-së në dhomat e zhveshjes, të cilët jetojnë prej muajsh duke duruar tekat e një personi që u ka bërë m**in klubit dhe tifozerisë. Ai nuk ka respekt”.
