Qeveria Rama i është drejtuar me një kërkesë zyrtare NATO-s, ku i kërkon ndihmë në përballimin e pasojave të tërmetit.
Kërkesa është publikuar në faqen zyrtare të NATO-s, ndërsa në kërkesën e drejtuar Aleancës renditen ndihmat që duhen për përballimin e situatës së krijuar pas tërmetit të 26 nëntorit, ku zyrtarisht kanë mbetur të vdekur 49 persona, janë plagosur mbi 650 persona dhe janë dëmtuar apo shkatërruar disa qindra shtëpi.
Në kërkesë përfshihen tendat, mjetet e ndihmës së parë, krevate portative, gjeneratorë, ushqime, mjete per femije, mjete teknike që shërbejnë për kërkime etj.
Një ditë më parë Kryeministri Edi Rama duke falënderuar qytetarët dhe bizneset për solidaritetin e treguar, i ka drejtuar një apel që të mos japin ndihma në ushqime dhe veshje, por të ndihmojnë financiarisht, sipas mundësive që kanë.
Ndërkohë që në kërkesën drejtuar NATO-s, përfshihen edhe ushqimet, për të cilat Rama një ditë më parë tha se nuk ka më vend për magazinimin e tyre.
