Kryeministri Edi Rama përmes rrjeteve sociale i drejtoi një thirrje qytetarëve që të mos dërgojnë ndihma, ushqime dhe veshje, për të prekurit nga tërmeti, por të ndihmojnë me shuma monetare, sipas mundësive.
Pas thirrjes së Ramës, ishte deputeti Lefter Maliqi që kërkoi mbledhje urgjente të Parlamentit për miratimin e ndryshimeve në buxhet, dhe propozoi që Kreu i Qeverisë të jepte shembullin i pari, duke kujtuar se buxheti i Kryeministrisë ishte rritur me dy herë.
Maliqi gjithashtu propozoi që pagat e deputetëve për muajt nëntor dhe dhjetor të shkonin për të prekurit nga tërmeti.
Ndërkohë kryebashkiakët e Rilindjes dhe deputetët e PS kanë reaguar duke dhuruar pagat e tyre të muajit nëntor për të prekurit nga tërmeti.
Sipas kryetarit të grupit parlamentar të PS-së, Taulant Balla, vendimi është marrë në një mbledhje urgjente.
‘Grupi Socialist në Kuvend dhe 60 kryetarët e bashkive dhurojnë të gjithë pagën e muajit Nentor në llogarinë e përcaktuar nga Qeveria për fondin e rindertimit”, tha Balla.
