Një 24-vjeçar shqiptar, i akuzuar për plagosje të rëndë, është arrestuar nga policia në Dusseldorf të Gjermanisë.
Shqiptarin e dehur nuk e kishin lejuar të futej në një bar të qytetit. Ky ka qenë shkaku i ngjarjes.
I zemëruar, ai ka dalë jashtë dhe me një prej pllakave të trotuarit, goditi në drejtim të lokalit.
Pllaka goditi në kokë një grua 54-vjeçare, shkruan “Bild”.
Ngjarja shokoi të pranishmit, ndërsa pronari i lokalit tha se, kujtuan që gruaja vdiq.
Kjo e fundit u dërgua me urgjencë në spital, ndërsa shqiptari do të përballet me drejtësinë për akuzën e “plagosjes së rëndë”.
