Kryeministri Edi Rama përmes një postimi në Twitter ka njoftuar se ditën e nesërme do të prezantojë paketën speciale Anti-KÇK, term me të cilin ai ju drejtohet të gjithë prokurorëve dhe gjyqtarëve të korruptuar.
Në statuset e tij, Rama shprehet se ky mekanizëm do të shkatërrojë themelin e foleve të krimit dhe është bërë falë ndihmës së ekspertëve të huaj.
Postimi:
Nesër prezantojmë Paketën Speciale AntiKÇK.Një mekanizëm i ri me fuqi speciale kundër krimit e korrupsionit. Falë ndihmës së ekspertëve të huaj të klasit të parë në luftën kundër terrorizmit,mafias e krimit të organizuar,ky mekanizëm do shkatërrojë themelin e foleve të krimit
Sot kur partnerët strategjikë të Shqipërisë e ambasadat e tyre janë vënë në shënjestrën e politikës mjerane të të çmendurve nga frika e drejtësisë,Paketa Speciale AntiKÇK do të provojë përsëri se sa të paçmueshëm janë këta partnerë në luftën e Shqipërisë për progres e drejtësi. Pa mbështetjen e SHBA/BE e ndihmën e përfaqësuesve të tyre në Shqipëri,s’do kishte nisur kurrë pastrimi i llumit të madh të (pa)drejtësisë e s’do ishte hapur dot kurrë perspektiva e barazisë së vërtetë para ligjit! Edhe Paketa Speciale AntiKÇK s’do bëhej dot pa ndihmën e tyre
