Një ngjarje e rëndë ka ndodhur këtë mbrëmje në aksin rrugor Milot-Rrëshen. Sipas informacioneve paraprake, një automjet ka përplasur një këmbësor, dhe për pasojë ky i fundit ka ndërruar jetë.
Identiteti i viktimës ende nuk bëhet me dije por mësohet se fillimisht u transportua me urgjencë drejt Spitalit të Traumës në kryeqytet për të marrë ndihmë të specializuar mjekësore, por duket se nuk i ka mbijetuar plagëve.
Drejtuesi i automjetit, i identifikuar si A.N., është shoqëruar në ambientet e komisariatit për veprime të mëtejshme hetimore. Policia dhe Grupi Hetimor ndodhen në vendngjarje për të zbardhur rrethanat dhe shkaqet e mëtejshme të aksidentit.
Njoftimi i Policisë
Lezhë/Informacion paraprak
Rreth orës 16:45 , në autostradën Milot- Rreshen, tek “Rrethrrotullimi i Milotit”, automjeti tip “Benz” me drejtues shtetasin A.N., banues në Mirditë, ka përplasur një këmbësor. Si pasojë e përplasjes, këmbësori ende i pa identifikuar ka marrë demtime dhe është transportuar në spitalin e Traumës Tiranë.
Drejtuesi i automjetit shtetasi A.N. është shoqëruar në Komisariat për veprime të mëtejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes si dhe identifikimin e shtetasit të aksidentuar.
