Një valë e ftohte e masave ajrore polare do të godasë Europën në fillim të muajit dhjetor, ndërkohë që këtë fundjavë pritet që Mesdheu të përfshihet nga një stuhi e fortë e cila do të sjellë erë të fortë dhe rrebeshe shiu.
Këto janë të dhënat më të fundit që vijnë nga shërbimet meteorologjike, të cilave i referohet Euroneës, teksa raporton për parashikimin e motit.
Vala e ftohtw polare shkaktohet nga një ngrohje e papritur stratosferike që masat e ftohta nga Poli i Veriut i shtyn në jug drejt Evropës – dhe madje mund të arrijë deri në pjesë të Afrikës së Veriut.
Kjo ngrohje e papritur e stratosferës rreth Siberisë gjithashtu mund të destabilizojë të ashtuquajturën vorbull polare.
Por, pavarësisht valës së të ftohtit polar që do të godasë Europën ditët e para të dhjetorit, muaji do të karakterizohet nga temperatura më të larta se normalja për këtë periudhe të vitit.
