Ministri turk i Brendshëm njoftoi se Ankaraja mban në burg një anëtar të rëndësishëm të grupit Shteti Islamik që, sipas tij, ka planifikuar sulmet në Gjermani e Rusi.
“Ai është një personazh i rëndësishëm i ISIS, ka planifikuar dhe dhënë urdhrin për atentatin me bombë në vitin 2018, në Rusi dhe për atentatin në një dyqan të Hamburgut, në Gjermani”, deklaroi Suleyman Soylu gjatë një interviste.
Sipas tij, ky person, i identifikuar si Yusuf Heba, u arrestua nga forcat turke në Azaz, në veri të Sirisë.
Vend kryesor tranziti për xhihadistët, që iu bashkuan Sirisë, pas shpërthimit të konfliktit në vitin 2011, Turqia thotë se mban me qindra anëtarë të ISIS-it në burgjet e saj dhe në zonat që kontrollon në Siri.
