Pas vendimit të KPA-së për shkarkimin e Besnik Muçit, anëtar i Gjykatës Kushtetuese, ka ardhur dhe një reagim nga ish-ministri i Drejtësisë, Ylli Manjani.
Përmes një postimi në Facebook, Manjani rikujton paralajmërimin e tij, e cila ndodhi pa kaluar as 24 orë.
Sipas Manjanit, ra jo vetëm Gjykata Kushtetuese por shumë shpejt nuk do të ketë as Gjykata të Apelit dhe vendi dotë zhytet në kaosin e vetgjyqësisë.
“As 24 orë nuk kaluan nga çfarë paralajmërova dje.
Republika e Ambasadorëve të Shqipërisë është pa Gjykatë Kushtetuese!
Premtimi që “do ta bëjmë gjykatën brenda këtij viti”, ra.
Më e tmerrshmja nuk është kjo, por shumë shpejt nuk do ketë më gjykata apeli. Dmth nuk do ketë më asnjë vend për zgjidhje mosmarrëveshjesh sipas ligjit. Vendi po shkon drejt kaosit të vetgjyqsisë!!!
Fajin e ka Macroni…”, ka shkruar Manjani.
