Një shpërthim i fortë është dëgjuar këtë mbrëmje në fshatin Shtëpëz të Gjirokastrës. Sipas informacioneve paraprake, dyshohet se një sasi tritoli ka shpërthyer në një banesë private. Burime për Boldnews.al raportojnë se banesa i përket Fadil Tolës, banor i këtij fshati me profesion murator.
Ende nuk ka detaje ku është vendosur saktësisht lënda plasëse. Nga shpërthimi raportohet të ketë vetëm dëme materiale dhe jo të plagosur.
Dyshohet se sasia e tritolit mund të ketë lidhje me ndonjë konflikt të Fadil Tolës kohët e fundit, por burime policore thonë se ai nuk është person me precedent penal.
Mësohet se Policia është nisur drejt vendngjarjes për të zbardhur rrethanat dhe shkaqet e shpërthimit./Boldnews.al/
