Grimieri shqiptar Mario Dedivanovic, i përloti të gjithë dje me fjalimin e tij gjatë eventit “American Influencer Awards” ku u surprizua në mënyrën më të bukur nga Kim Kardashian, me të cilën punon prej shumë vitesh. Kim i dhuroi Marios çmimin “Artistic Achievement” të organizuar në “Dolby Theatre”.
Pasi mori çmimin, Mario mbajti një fjalim të gjatë plot emocione, gjatë të cilit dhe pohoi drejtimin e tij seksual.
“Qëndroj me shumë krenari si një 37-vjeçar gay”- tha grimieri, ndërsa tregoi edhe luftën që ka pasur me veten për të pranuar këtë fakt.
Këngëtarja Albërie Hadërgjonaj përcolli një mesazh të ndjerë, duke I shfaqur përmes një statusi në InstaStory, përkrahjen e saj të hapur.
“Për herë të parë në jetën time, mund të them se zëri yt i engjëllit është mesazhi më i mirë në botë. Zoti na bëri të përsosur. Ai kurrë nuk gabon. Ai të bëri ty qenien më të bukur ndonjëherë. Faleminderit shumë për fjalimin tënd të mrekullueshëm. Ti je një ikonë Mario. Jam shumë krenare për ty”, ka shkruar Hadërgjonaj krah fotos së Marios të publikuar në ‘Instastory’.
Mario ka qenë më parë edhe në Shqipëri në një ‘master class’ të zhvilluar në Tiranë, krah Anxhelina dhe Agnesa Hadërgjonaj, të cilat mundësuan ardhjen e tij këtu.
