Kryeministrit, Edi Rama, nuk i kanë bërë fare përshtypje reagimet e bëra për hartën e publikuar nga ky i fundit ku Kosova shfaqej si pjesë e Serbisë, derisa nuk e ka marrë as mundin që të sqarojë krejt këtë skandal.
Gazeta Express shkruan se pas publikimit të hartës ka provuar të kontaktojë me kabinetin e Ramës, për t’i pyetur për këtë temë, mirëpo nëpunësit e tij nuk kanë qenë të qasshëm përmes telefonit.
Për më shumë se pesë orë, në faqen zyrtare në Facebook të kryeministrit të Shqipërisë, Edi Rama, qëndroi një video në të cilën proklamohej një hartë ku Kosova shfaqej si pjesë e Serbisë.
Postimi i Ramës ku tregonte për një investim për furnizim me ujë, e ku shihej edhe harta u editua pak orë më vonë, megjithatë, kryeministri i Shqipërisë, nuk e dha asnjë detaj se si kishte përfunduar e njëjta në profilin e tij.
