Këngëtarja shqiptare që jeton në Zvicër, Albana Azizi ka irrituar publikun dhe mediat serbe me videoklipin e saj të xhiruar në kishën e Shën Nikollës në Novobërdë të Kosovës.
Serbët e kanë përshkruar veshjen e këngëtares shumë provokuese, duke poshtëruar shenjtërinë e kishës ortodokse serbe.
“Telegraf” shkruan se Albana Azizi e xhiroi videoklipin pa lejen e Kishës Ortodokse Serbe, para syve të serbëve që jetojnë në Novobërdë. Më tej kritikohet edhe RTK, për transmetimin e videos së këngëtares me titull “Sa mirë ta bona”.
Një gjë të ngjashme e kishte bërë sipas tyre edhe Era Istrefi, me videoklipin në kishën ortodokse në Kampusin Universitar të Prishtinës.
Një e afërme e Albanës ka thënë se komentet në YouTube tek kënga janë fshirë pasi ajo ishte kërcënuar se do të masakrohej nga serbët për veprimin e saj.
