Është sekuestruar nga Prokuroria celulari i nënkryetarit të Bashkisë Vorë. Sipas raportimeve në media, Gentian Picari është emëruar në postin e nënkryetarit nga Agim Kajmaku. Ky i fundit u shkarkua nga KQZ si kryetar i bashkisë, pasi u vërtetuan akuzat e opozitës se ka qenë i dënuar dhe i arrestuar në Greqi më parë për falsifikim parash.
Prej disa ditësh Agim Kajmaku është në kërkim. Pas shkarkimit nga KQZ, u zbulua se Kajmaku kishte firmosur shkarkimin e dy nënkryetarëve të rinj të bashkisë, duke emëruar në këtë post vetëm Gentian Picarin. Mësohet se ky i fundit ka bërë kërkesë që t’i rikthehet telefoni.
