Një telefon i tipit iPhone është gjetur dhe sekuestruar këtë të premte në burgun e Durrësit.
Sipas njoftimit të Drejtorisë së Burgjeve, telefoni është gjetur gjatë kontrollit të ushtruar në godinën B, dhe është sekuestruar së bashku me një karikuese.
“Gjatë kontrollit të ushtruar në godinën “B”, u konstatua dhe sekuestrua një aparat celular tip iPhone, së bashku me karikues dhe fishë lidhëse të improvizuar. Lidhur me rastin janë kryer veprimet procedurale përkatëse dhe është mbajtur procesverbal për bllokimin dhe sekuestrimin e sendeve të ndaluara”, thuhet në njoftim.
Strukturat e specializuara të SHKBB, në koordinim me SPAK dhe BKH, po vijojnë hetimet dhe procedurat e mëtejshme sipas ligjit, por ende nuk është bërë e ditur se kujt i përkiste ky telefon.
