Raheem Sterling do të mungojë në ndeshjen e sotme, ku Anglia përballet me Malin e Zi për shkak të dënimit të dhënë nga trajneri Southgate për incidentin me Gomez.
Por duket se talenti i City-t do të rikthehet në ndeshjen ndaj Kosovës tre ditë më vonë.
Southgate i pyetur në konferencë për shtyp nëse Stërling është i mërzitur për përjashtimin nga skuadra për ndeshjen e sotme ai përgjigjet:
“Le të themi se nuk më ka shumë qejf. Nuk duhet të jesh ekspert në sjelljen njerëzore, për ta kuptuar diçka të tillë. Por reagimi i tij ka qenë brilant”.
“Foli me skuadrën për të sqaruar problemin dhe është stërvitur mirë . Nga eksperienca ime si lojtar, mund të them që marrëdhënia ime me trajnerët ndryshonte nga dita në ditë. Në shumë raste konfliktohesha me ta, zakonisht kur nuk isha në skuadër”.
“Kështu që e kuptoj Stërling. Shpresoj që koha t’i rregullojë këto probleme”.
Dhe i pyetur nëse Stërling do të luajë ndaj Kosovës, trajneri anglez thotë:
“Po, çfarë kam parë është dikush që stërvitet dhe luan në një nivel të lartë . Nuk ka asnjë arsye përse të mos luajë, ajo situatë u zgjidh tashmë”.
