Sot u zhvillua në Ohër takimi i dytë mes Presidentit serb, Aleksandar Vuçiç, Kryeministrit shqiptar Edi Rama dhe atij të Maqedonisë së Veriut, Zoran Zaev, në kuadër të nismës për atë që njihet si “mini-Shengeni Ballkanik”.
Por, media maqedonase kanë zbuluar edhe praninë e “mikut” misterioz, që duket se qëndron pas takimeve mbi “mini-Shengenin Ballkanik”, që nga shumë politikanë në Kosovë dhe Shqipëri, quhet si një nismë për “Jugosllavinë e re”.
‘Republika.mk’ ka publikuar foto të Alex Soros, djalit të George Soros, q♪7 u raportua se ishte i pranishëm edhe në takimin e zhvilluar në NOvi sad, ku nisi seria e takimeve tre-palëshe mes Serbisë, Maqedonisë së Veriut dhe Shqipërisë.
Media maqedonase raporton se Soros është trajtuar si VIP dhe ka zhvilluar takime sekrete me kryeministrin Zoran Zaev dhe Presidentin Stevo Pendarovski.
Sipas ‘Republikës’, vizita e Sorosit në Ohër, ka të bëjë më së shumti me zgjedhjet e pritshme të vitit 2020, ku pozita e Zoran Zaev është goditur shumë nga dhjetëra skandale të dala në mediat vendase.
Por nuk përjashtohet që kjo vizitë të përdoret edhe për të takuar pjesëmarrësit e tjerë në takimin e Ohrit.
“Ka shumë të ngjarë që vizita në Ohër të përdoret edhe për takime me kryeministrin shqiptar Edi Rama, i cili është gjithashtu afër rrjetit. Presidenti serb Aleksandar Vucic po merr pjesë gjithashtu në samitin në Ohër.
Vizita vjen në një kohë të përfshirjes së konsiderueshme të grupeve të Shoqërisë së Hapur në zhvillime të tjera ndërkombëtare, siç janë përpjekjet për të fajësuar presidentin amerikan Donald Trump, ku Soros ka miratuar kundërshtarin e tij Elizabeth Warren, dhe për të rrëzuar votën e Brexit në Mbretërinë e Bashkuar”, shkruan ndër të tjera media maqedonase.
