Gjatë turit të takimeve, me komunitetin shqiptar në SHBA, kryetarja e Lëvizjes Socialiste për Integrim, Monika Kryemadhi, zhvilloi një takim në Teqenë e parë dhe të vetmen Bektashiane “Baba Rexhep” në Detroit të Michiganit.
Kryetarja e LSI-së vlerësoi kontributin e madh të Teqes “Baba Rexhepi” për komunitetin shqiptar në SHBA. “Besimet fetare dhe institucionet e tyre kanë qenë historikisht vatra patriotizmi dhe kanë shpërndare dije, kulturë dhe dashuri mes shqiptarëve.”- tha Kryemadhi.
Ajo theksoi mungesën e seriozitetit të qeverisë ndaj diasporës. Kryemadhi u shpreh se qeveria shqiptare e trajton diasporën vetëm si fasadë për takimet groteske, si ai i fillimvitit, me shpenzimet e saj, mund të pajiseshin me abetare dhe tekste të tjera pjesa më e madhe e diasporës shqiptare jo vetëm në SHBA.
“Përçarja dhe trajtimi i shqiptareve me dy standarte është e vetmja “meritë” e qeverisë shqiptare.”– theksoi ajo.
