Duke folur në Samitin e Davos, i dërguari i posaçëm i Departamentit Amerikan të Shtetit për Ballkanin Perëndimor, Matthew Palmer, apeloi sërish liderët e politikës që të dialogojnë dhe të miratojnë bashkarisht Reformën Zgjedhore.
“Eshtë e rëndësishme që themelet demokratike të Shqipërisë janë të forta, që zgjedhjet janë të lira dhe që populli shqiptar ka lirinë të zgjedhë në mënyrë demokratike. Prandaj do na pëlqente të shihnim një dialog që sjell si rezultat një marrëveshje mbi Reformën Zgjedhore që zbaton rekomandimet e OSBE/OHDIR-it dhe një drejtim që con sërisht drejt normalitetit për demokracinë shqiptare”.-u shpreh Palmer.
Kujtojmë se Reforma Zgjedhore shihet si rrugëdalje nga kriza edhe nga partnerët tanë në Europë. Bundestagu gjerman e ka vendosur si një nga kriteret kryesore për hapjen e negociatave.
