Ajo është e njohur për makinat, shtëpitë dhe veshjet e shtrenjta që i ka në dispozicion. Por, Morena Taraku ka tentuar ta rrisë flotën e saj të makinave duke futur në Kosovë një makinë superluksoze të tipit Bentley që kushton hiç më pak se 200 mijë euro. Kësaj përpjekje të 26 vjeçares, që është nga më të njohurat në botën e showbizt shqiptar, e ka zbuluar Dogana e Kosovës .Morena ka tentuar ti ikë tarifës doganore prej 5 mijë eurosh duke e deklaruar makinën si të re, e në fakt makina ka qenë e përdorur. Makina sipas burimeve të Gazetës Express është e tipit Bentley dhe kap vlerën e 200 mijë eurove, dhe sipas dokumentacionit është e regjistruar në një datë më të hershme, para dy muajve, dhe nuk është e re ashtu siç është deklaruar nga pronarja.
Tashmë, Morena Taraku i është kthyer rrjeteve sociale për tu shpjeguar pas skandalit me makinën e saj ‘Bentley‘.
Pas disa ditësh nga të gjitha problemet që iu shfaqën Morena Tarakut me makinën e saj luksoze që tentoi ta sjellë në Kosovë duke e deklaruar si të re, Morena ka vendosur të flasë.
Ajo ka shkruar se nuk do të deklarohet për asgjë pasi “nuk do që të njollosë askënd nga goja e saj”.
Më tutje, Morena shton se e vërteta do të flasë vetë një ditë dhe vazhdimisht thotë se Zoti i din të gjitha, duke aluduar se ajo nuk ka bërë asgjë të padrejtë.
