Një person është ekzekutuar në fshatin Sumë, Dukagjin. Bëhet fjalë për Gjergj Krygja, 43 vjeç, baba i tre fëmijëve. Sipas informacionit policor, Krygja është qëlluar me armë zjarri në orën 11:40 pranë banesës së tij.
Raportohet se 43-vjeçari banonte në Koplik dhe se kishte shkuar në fshatin Sumë për të mbledhur prodhimet e dimrit që kishte në tokat bujqësore. Rrethanat mbeten ende të paqarta. Megjithatë, dyshohet paraprakisht se Krygja është vrarë për një konflikt të mundshëm për shfrytëzimin e pyjeve.
Ndërkohë, shërbimet e policisë dhe grupi hetimor janë nisur në drejtim të vendngjarjes. Nga provat e para dhe hetimet, pritet që të zbulohen motivet e vrasjes, si dhe autori/ët e dyshuar.
Shkodër/ Informacion paraprak
Me datë 06.11.2019, rreth orës 11:40, në fshatin Sumë, Njësia Administrative Pult, Shkodër, në rrethana ende të paqarta është qëlluar me armë zjarri shtetasin Gj. K. 43 vjeç, i cili ka ndërruar jetë.
Në drejtim të vendngjarjes janë nisur shërbimet e policisë dhe grupi hetimor për sqarimin e rrethanave të kësaj ngjarje.
