Një 64-vjeçar amerikan, i cili u dënua me vdekje për përdhunimin dhe vrasjen e një gruaje gati katër dekada më parë, u ekzekutua sot në Tennessee të SHBA-së.
Harold Nichols u dënua me vdekje për përdhunimin dhe vrasjen e studentes 20-vjeçare Karen Pooley, në vitin 1988. Ai ishte shpallur gjithashtu fajtor për përdhunimin ose tentativën e përdhunimit të 12 grave gjatë një periudhe tremujore.
Ekzekutimi i Nichols bë me injeksion vdekjeprurës dhe ishte i treti në Tennessee këtë vit.
Këtë vit ka pasur 46 ekzekutime në të gjithë vendin: 38 me injeksion vdekjeprurës, pesë me thithje azoti dhe tre me pushkatim (të gjitha në Karolinën e Jugut).
Dënimi me vdekje është hequr në 23 nga 50 shtetet e SHBA-së. Tre të tjera (Kalifornia, Oregoni dhe Pensilvania) kanë moratoriume për përdorimin e tij, të urdhëruara nga guvernatorët e tyre.
