Garda Civile në Spanjë arrestoi dy shqiptarë pasi u kapën me një plantacion, ku u bllokuan më shumë se 50 kg marijuanë.
Të arrestuarit kishin ngritur plantacionin brenda një ndërtese në komunën Tarragonès në Roda de Barà. Dy të arrestuarit, të moshës 30 dhe 32 vjeç, janë lënë në burg me vendim gjykate.
Forcat e policisë sekuestruan gjithashtu edhe 9 kg boçe të thara të marijuanës gati për t’u shitur, një armë dhe një jelek antiplumb.
Njëri nga të arrestuarit u përpoq të largohej me makinë dhe u përplas me disa automjete zyrtare të Gardës Civile. Më pas, u përpoq të largohej në këmbë por u neutralizua. Ndërsa shqiptari tjetër ishte brenda ndërtesës duke u kujdesur për bimët.
Ata akuzohen për krime të trafikut të drogës, vjedhje të energjisë elektrike, armëmbajtje pa leje, krijimin e një grupi kriminal dhe sulm ndaj një agjenti të policisë.
