Jurgen Klopp ka deklaruar që Pep Guardiola është “i fiksuar” me Liverpool dhe se sipas tij nuk është aq i mençur sa Guardiola, për të folur për skuadrat e tjera pas përfundimit të ndeshjes.
Kjo deklaratë vjen, pasi trajneri i Manchester City akuzoi Sadio Mane për stimulim, rast për të cilën ai mori karton të verdhë në ndeshjen ndaj Aston Villa, ku ai shënoi dhe golin e fitores në minutën e 94.
Në intervistën e tij për mediat angleze, Klopp tha:
“Për të qenë i sinqertë nuk mund ta besoja, deri sa e pashë . Nuk jam i sigurt nëse Pep foli për Sane apo për skuadrën, por gjithsesi nuk është e drejtë. Por nuk dua t’i hedh benzinë zjarrit. Nuk jam i interesuar për këto gjëra. Dhe premtoj që nuk do të përmend faulla taktik”.
“Mund të them që Sadio nuk është stimulues,” insistoi ai. Kishte një situatë në lojën Aston Villa ku ai u kontaktua dhe ra. Ndoshta nuk ka qenë penallti por ka pasur kontakte. Unë jam 100% i sigurt nëse diçka e tillë do të ndodhte për Manchester City ata do të donin të kishin një penallti sepse dikush goditi lojtarin e tij në zonë dhe kjo është një penallti”.
