Bashkia e Tiranës ka shpenzuar mbi 200 mijë euro vetëm për aparate fotografike, lente e drone. Kjo provohet nga të dhënat e publikuara nga Open Data.
Shifra tregon se si shpenzohen paratë e taksapaguesve shqiptarë, më të varfërit në Europë, ndërkohë që Bashkia e Tiranës cilësohet me taksat më të larta ndaj bizneseve.
Gjithashtu, duke pasur parasysh faktin se Kryebashkiaku Erjon Veliaj kujdeset shumë për fasadat, duke se nuk ka kursyer për të blerë dronë, lente dhe aparate fotografike, që do të përdoren për të kuruar imazhin e tij.
Sot qytetarët e Tiranës paguajnë pothuajse 2 herë më shumë për faturën e ujit, në një kohë kur uji i rrjetit nuk konsumohet për t’u pirë.
Sot qytetarët e Tiranës paguajnë taksën për shkollat, kopshtet e çerdhet, sikundër paguajnë më shtrenjtë biletët e urbanit, me kushte të njëjta, në mos të përkeqësuara, qëndrojnë me orë të tëra në trafik, nëse bie shi, dhe dita ditës raportohen mbylljes biznesesh.
Dhe jo vetëm, sot Tirana është kthyer në një shesh të madh ndërtimi kullash, ku po zhduket çdo gjurmë e qytetit të vjetër, ndërsa po mbijnë shumëkatëshet e atyre që quhen oligarkë.
Për të gjitha këto, Lali Erit i duhet të ruajë imazhin dhe për këtë duhet të investojë pikërisht në aparaturat, që i shërbejnë ushtrisë që e ndjek nga pas.
Dhe ndoshta vitin e ardhshëm, shifra 200 mijë euro mund të na duket e vogël, pasi mund të shumëfishohet duke pasur parasysh faktin se Kryebashkiaku kurohet me kujdes…
