Juventus arriti të fitojë ndaj Torinos me rezultatin 0-1, në ndeshjen që u zhvillua, në stadiumin “ Stadio Olimpico Grande Torino”, mbrëmjen e djeshme.
Mathijs de Ligt, i cili këtë sezon është bërë shkak i disa golave të pësuar, arriti të sigurojë fitoren e radhës së bardhezinjve në Seri A.
Me këtë fitore, Juventus, qëndrojnë të pamposhtur në këtë sezon, si dhe rimarrin vendin e parë në renditje, pozicion që ishte humbur pak orë më parë, pasi Interi fitoi në transfertë ndaj Bologna-s me një dy golësh të sulmuesit belg, Romelu Lukaku.
Ndërkohë një ndeshje tjetër e rëndësishme ishte ajo midis, Romës dhe Napolit, e fituar 2-1 nga kryeqytetasit, duke e vendosur ekipin e drejtuar nga Carlo Ancelotti, në një krizë rezultatesh, ku skuadra e Napolit e sheh veten në vendin e shtatë, pozicion jashtë vendeve evropiane.
Tabelën e kryesimit e mban Juventus, në kuotën e 29 pikëve, e ndjekur nga Inter, me një pikë më pak, ndërsa më pas vijnë ,Roma dhe Atalanta, përkatësisht me nga 22 dhe 21 pikë.
