Situata Politike në vend, kriza që ka pllakosur të gjithë institucionet kanë qenë dhe vazhdojnë të jenë në thelb të të gjitha aksioneve që ka ndërmarrë dhe pritet të ndërmarrë Opozita e Bashkuar. Por secila nga partisë ka vendosur që të nis aksionin opozitar më vete në terren. Kreu i Partisë demokratike, Lulzim Basha ka vendosur që javën që vjen të zbres në bazë dhe të diskutojë me ta për situatën dhe mënyrën se si do të vazhdojnë me aksionin.
Mësohet se Basha do të nis diskutimet me qytetarët dhe në çdo ditë të javës do të jetë i pranishëm në një nga qytetet e vendit.
E hëna nis me Elbasanin, për të vazhduar më pas me Korçën të martën, të mërkurën në Shkodër, të enjten në Vlorë dhe të premten në Krujë.
